My Fulminations

  ഒരു ദിവസം ഈ 'അമ്മ' (താഴെ ചിത്രത്തിൽ കാണുന്ന ) കാലത്തു അലിൻഡ് ബാല വാടിക്ക് മൂന്നിലൂടെ നടന്നു , മകളുടെ (നിർമല/നിമ്മി ) വീട്ടിലേക്കു പോകുമ്പോൾ ഒരു കുട്ടി കൂളിംഗ് ഗ്ലാസും ഒക്കെ വെച്ച് സഞ്ചിയും തൂക്കി അല്പം ഗൗരവത്തിൽ അലിൻഡ് ബാലവാടിയിലേക്കു ഒറ്റയ്ക്ക് നടന്നു പോകുന്നത് ശ്രദ്ധിച്ചു. അടുത്തു വന്നപ്പോൾ ആണ് മായയുടെ മകൻ വിഷ്ണു അല്ലേ എന്ന് തോന്നിയത് . വിഷ്ണു വല്ലേ ? എന്ന് ചോദ്യം. അവനൊന്നു നോക്കി മൂളി നടന്നകന്നു . തിരിഞ്ഞു നിന്ന് ബാല വാടിയിൽ കയറുന്നതുവരെ നോക്കി നിന്നു. സംശയം വീട്ടിൽച്ചെന്നു തീർത്തു . കൂളിംഗ് ഗ്ലാസ്സുമൊക്കെ വെച്ച് അവൻ്റെ പോക്കു ഈ അമ്മക്ക് വലിയ തമാശയായിത്തോന്നി. ഗ്ലാസ് ഇളമ്പലൂർ ഉത്സവ സമയത്തു ബലൂൺ വില്പനക്കാരനിൽനിന്നു വാങ്ങിയത്. ഈ അമ്മ പലപ്പോഴും ഇതു പറഞ്ഞു ചിരിച്ചിട്ടുണ്ട്. ..... അല്പം പിറകോട്ടു ഒരു എത്തിനോട്ടം .... അലിൻഡ് നമ്പർ ഒന്നു ക്വാർട്ടേസിൽ വിശ്വനാഥൻ സ്വാമിയുടെ (കമ്പനി സെക്രട്ടറി ) വീടിനു മുന്നിലായിരുന്നു ഒരുനാട്ടുമാവ് ഉണ്ടായിരുന്നത് . എല്ലാവർഷവും കായ്ക്കും. പൊഴിഞ്ഞു വീഴുന്ന പഴുത്ത മാങ്ങാ ഞാനും പിറക്കിയിരുന്നു എന്റെ കുട്ടിക്കാലത്തു.