കാലം 1974 / 1975 / 76. എറണാകുളം മുല്ലശ്ശേരി കനാൽ റോഡിലുള്ള സത്യസായി സേവാ സമിതിയിൽ സത്യാ സായി സേവാദൾ വളന്റീർസിന്റെ പഠന ശിബിര ക്യാമ്പിൽ പങ്കെടുക്കാൻ ഞാൻ കൊല്ലം കുണ്ടറയിൽനിന്നും എറണാകുളം ചിറ്റൂർ റോഡിലുള്ള ഒരു ലോഡ്ജിൽ തലേന്ന് താമസം ആയി . ഇന്ന് ലോഡ്ജിന്റെ പേര് ഓർമയില്ല . ഇപ്പോഴും ഓർമ ഉള്ളത് ലോഡ്ജിന്റെ എതിർവശത്തെ മതിലിൽ എല്ലാം ഉജാലയുടെ കൈകൊണ്ടു എഴുതിയ നീല പരസ്യങ്ങൾ ആണ് . പിറ്റേദിവസത്തെ ക്യാമ്പിൽ സംസാരിക്കാനും ഒരു ഓർഗനൈസർ പോലെ എല്ലാം ഓടിനടന്നു പ്രവർത്തിച്ചിരുന്ന ഗോവിന്ദ ഭരതൻ സാറിനെ ആദ്യമായി ആണ് ഞാൻ കണ്ടത് . അന്നും വക്കീൽ ആയിരുന്നു. പിന്നെക്കാണുന്നതു ആലപ്പുഴ മുല്ലക്കൽ സത്യസായി സമിതിയിൽ ഒരാഴ്ച നീണ്ടുനിൽക്കുന്ന ക്യാമ്പിൽ വെച്ച് . ഇവിടെ വെച്ചാണ് മാസ്റ്റർ കോച്ചിങ് ബോർഡ് സ്ഥാപകൻ രാമൻ മേനോൻ സാറിനെയും Narayanan Raman Menonആദ്യമായി കാണുന്നത് . പിന്നെ വർഷങ്ങൾക്കുശേഷം കളമശ്ശേരിയിൽ എൽ ഐ സി ഓഫീസർ ആയിരുന്ന കേശവൻ നായർ സാറിന്റെ പ്രശാന്തി എന്ന വീട്ടിലും ഭജന സമയത്തു കണ്ടിട്ടുണ്ട് ഞങ്ങളുടെ സേവാദൾ ക്യാപ്റ്റൻ ആയിരുന്നത് നടരാജൻ സാർ. പുട്ടപർത്തിയിലും സാറ് തന്നെ ആയിരുന്നു ഞങ്ങളുടെ ക്യാപ്റ്റൻ . പുട്ടപർത്തിയിൽ വെച്ച് ആസ്മ പിടിപെട്ടതിനാൽ എന്നെ കാവൽ നിൽപ്പ് ഒഴിവാക്കി തന്നു നടരാജൻ സർ . കൊല്ലം അച്ചാണി രവി സാറിന്റെ കമ്പനിയിലെ അഡ്മിനിസ്‌ട്രേറ്റീവ് ഓഫീസർ ആയിരുന്നു നടരാജൻ സാർ. അച്ചാണി രവി സാറും അനിയൻ പ്രശാന്തി ബാബു സാറും ഓഡിറ്റർ ബാബുസാർ ( വി. ചെല്ലം പിള്ള ) അനിയൻ സുബ്രമണിയപിള്ള മുതൽ പേർ കൊല്ലം ലക്ഷ്മിനടയിലുള്ള സത്യസായി സമിതിയുടെ നെടുംതൂണുകൾ ആയിരുന്നല്ലോ . ഗോസലക്കാവിലെ ഐ ക്യാമ്പിലും ഞാൻ വോളന്റീർ ആയിരുന്നു . അന്നത്തെ ക്യാമ്പിലെ ഞങ്ങൾ പിള്ളേരുടെ കാര്യങ്ങൾ അന്വേഷിച്ചു വേണ്ടുന്നതു ചെയ്തിരുന്ന അഡ്വക്കേറ്റ് ഗോവിന്ദ ഭരതൻ സാറിനെ എങ്ങനെ മറക്കാനാണ് ...സാറിനു ആദരാഞ്ജലികൾ. കുണ്ടറ അലിൻഡിൽ നിന്നും ഞാൻ മാത്രമല്ല സുഹൃത്ത് ജയന്ത്, അനിയൻ വസന്ത് , സന്തോഷ്‌കുമാർ ഗോപലകൃഷ്ണനായർ മുതൽ പേരും ഉണ്ടായിരുന്നു .(പ്രായപൂർത്തി ആയ ശേഷം സനാതന ധര്മത്തെക്കുറിച്ചുള്ള പ്രഭാഷണങ്ങൾ കേൾക്കാനിടയായതു സത്യാ സായി സമിതികളിൽ നിന്നും . അതിനുമുൻപ്‌ ഞാൻ കേട്ടതെല്ലാം ഡയ ലറ്റിക്‌ മെറ്റീരിലിസ ത്തെ കുറിച്ച് .ഇതിനും മുൻപ് കേട്ടത് സ്വാമി ചിന്മയാനന്ദൻ അലിൻഡിൽ ജനറൽ മാനേജരുടെ വീട്ടിൽ താമസിച്ചു ഗീതാക്ലാസ്സുകളും മറ്റും നടത്തിയത് . മനസ്സിലാക്കാനുള്ള പ്രായം ഇല്ലായിരുന്നു . ) സാറിനു വീണ്ടും കണ്ണീർ പുഷ്പങ്ങൾ
Comments
Post a Comment